• Abdool, Soobash, Popok Ek Ene Crocrodile

    Ene jour, Abdool, Soobash Ek Popok ine mettre ene plan pour ale la peche poisson tilapia Mare Aux Vacoas. Faudé guette zot bataz ene coup, kumadir bane mari grands pecheur mo dire ou.

    Kan zot ine arrive Mare Aux Vacoas, Abdool ale trouve ene gros crocrodile pé allongé dans bord de l\’eau, li montré sa Soobash Ek Popok.

    Popok dir: \”Nou avoye roches lor li, nou guetté ki li faire\”.

    Abdool Ek Popok ramasse deux trois gros roches, zot commence avoye lor crocrodile la.

    Hep, ene coup crocrodile levé ek li commence vine dans direction nou trois grands pecheurs.

    Abdool ek Popok gagne peur, zot gallopé zot monte lor ene pied mais Soobash  continue kass so poz tranquille, kumadir de rien n\’été.

    Abdool ek Popok pé criyé et pé dir: \”Sooobash Soobash, monte lor pied la ene fois, faire vite, crocrodile paraite extra en colere, monte lor pied taaa Soobash, kine arrive toi?\”.

    Spoiler

    Soobash dir: \”Zot kine avoye roches lor li, pas moi.\”  😀

  • Abdool, Soobash Ek Bicyclette Anita

    Ene grand lundi apres midi, Abdool pé marché marché pé ale la boutik kan li trouve Soobash lor chemin pé monte ene extra zoli bicyclette.

    Abdool dir Soobash: \”Taaa Soobash, kot to ale gagne sa zoli bicyclette la toi?\”

    Soobash repond Abdool, li dir: \”Hey Abdool Abdool, hier mo ale rode ene tigitte cotomili kot mo voisine Anita, li ti pé lave so misié so bicyclette par derriere dans so la cour.

    Hep, kuma Anita ine trouve moi, line zette bicyclette la enbas ek line tir tout so linge lor li line zette enbas. Apres line dire moi, \”Soobash prends sa ki to envie\”.

    Bé mone prends bicyclette moi Abdool.

    Spoiler

    Abdool repond li dir: \”Chance tone prends bicyclette la Soobash, parski Anita so linge ti pou trop serré lor toi.\” 🙂