Anita Ek So Gros Gato

Ene jour, Anita so misié pé rentre lakaz depuis travail, Anita dir: “Gaté, tuyo dans la salle de bain in kassé, to kapav repare li ene coup?”.

So misié repondre ek li dir: “Anita, eski to trouve moi ressemblé ene plombié?”.

Deux trois jours après, Anita so misié pé rentre lakaz depuis travail, Anita dir: “Gaté, mo loto pas pé allumé, mo croire battery la sa, to pu kapav change li pou moi?”.

So misié repondre ek li dir: “Anita, eski to trouve moi ressemblé ene mecanicien?”.

Deux trois jours après, meme zafaire encore.

Anita so misié pé rentre lakaz depuis travail, Anita dir: “Gaté, to connais, l’ampoule ine brulé dans salon, to kapav change li gaté?”.

So misié repondre ek li dir: “Anita, eski to trouve moi ressemblé ene electricien?”.

So lendemin, Anita so misié ine rentre lakaz, li trouve loto ine reparé, l’ampoule dans salon pé allumé ek tuyo dans la salle de bain ine reparé.

So misié pé calculé ki sanla kapav ine repare sa.

So misié criyé Anita, li dir: “Anita, Anita mo ti gaté, ki sanla ine repare tout sa bane zafaire ti kassé la?”.

Anita repond ek li dir: “Gaté, ene misié ti pé passé lor chemin, mone demande li si li kapav faire sa bane travaille la pour moi, mo pou paye li. Line accepté aide moi.”

So misié dir: “Combien tone paye li Anita?”

Anita repond: “Misié kine faire reparation la ine dire moi, pas necessaire paye li. Ziss cuit ene gros gato pou li OU bien dormi ene coup avec li.”

So misié repond: “Bé ki gato tone cuit pu li Anita?”